DEREITO MERCANTIL E SOCIETARIO
Contamos con avogados expertos en Dereito Mercantil e Societario, con capacidade e ampla experiencia no asesoramento a empresas de primeiro nivel en todo tipo de asuntos societarios e que actúan de forma coordinada cos nosos especialistas en Dereito Fiscal a efectos de dar o mellor servizo ao cliente.
- Asesoramento na constitución de todo tipo de sociedades mercantís e na súa actividade posterior ata a súa liquidación (incluíndo no ámbito societario, ampliacións de capital e calquera tipo de modificacións estatutarias, estrutura dos órganos de goberno, etc.).
- Deseño e implementación toda clase de estruturas societarias, así como reorganización e reestruturación de toda clase de grupos de sociedades.
- Asesoramento sobre goberno corporativo.
- Asesoramento en materia de responsabilidade de administradores.
- Asesoramento en todo tipo de contratos mercantís.
M&A
Os nosos especialistas en Dereito Mercantil, en colaboración co noso equipo de Dereito Fiscal, teñen participado e dirixido numerosas operacións de fusión e adquisición tanto nacionais como internacionais.
- “Due diligence” de compra e venda.
- Deseño da estrutura máis adecuada para a operación, tanto desde o punto de vista mercantil como de eficiencia fiscal.
- Redacción dos documentos en que se sustenta a transacción (acordo de confidencialidade, contrato de compravenda, acordos de socios, modificacións estatutarias).
- Asesoramento na negociación e closing da transacción.
CAPITAL RISCO
Da man dun equipo multidisciplinar ofrecémoslles a sociedades e fondos de capital risco un asesoramento completo, tanto a efectos da súa constitución como da súa actividade.
- Asesoramento na constitución de sociedades e fondos de capital risco.
- Deseño e estrutura fiscal das operacións propias de sociedades e fondos de capital risco.
- Asesoramento na redacción, negociación e peche tanto dos contratos mercantís en que se recolla a transacción como dos contratos de financiamento da mesma.
- Asesoramento nos procesos de saída e desinvestimento.
REESTRUCTURACIÓNS E INSOLVENCIAS
A nosa firma conta con avogados especializados no asesoramento a empresas en crise, pois ten participado en múltiples e relevantes operacións de refinanciamento e concursos de acredores durante os últimos anos.
- Asesoramento en operacións de refinanciamento e reestruturación de débeda.
- Asesoramento en concurso, incluída toda a súa tramitación e a tutela da relación cos administradores concursais.
- Asesoramento en materia de responsabilidade de administradores en procedementos de insolvencia.
