A súa traxectoria inclúe a Dirección de Estudos do Instituto de Estudos Fiscais (Ministerio de Facenda), onde realizou traballos de base para reformas tributarias e participou no deseño de reformas en países africanos e latinoamericanos. Foi secretario da Comisión para a Reforma da Lei Xeral Tributaria vixente, exerceu como Letrado do Tribunal Supremo e como consultor internacional.

No ámbito académico, foi Profesor Titular de Dereito Financeiro e Tributario na Universidade de Vigo (excedente) e posteriormente na Universidade Complutense de Madrid. É autor de diversas publicacións de interese docente e profesional e formador en múltiples institucións.